O COMITÉ DECLARA O "DÍA DE ATENCIÓN AS CONSORTES"

VIVA O TEMPORAL!!

As nosas donas esta semana están de noraboa. As fortes treboadas acompañadas de brétemas que se aveciñan fan que o domingo se SUSPENDA A XORNADA, o que lle concede as nosas sufridoras unha xornadiña de tregua futebolera.

Hala, a descansar darredor do lume, cocidiño que non falte.......e nin se vos ocurra darlle o botón de La Sexta nin do plus....

QUE SUBE A MAREAAAA!!!!

Empate sin goles en Baio. Notábase a trascendencia do choque e resultou un partido xogado de poder a poder, os dous arriscamos o xusto e os dous tivemos ocasións pra levar os tres puntos. O único positivo é que por fin deixamos a portería a cero e o Baio segue por debaixo.

Quizáis levamos nos mais o peso do xogo pero a verdade é que non se pode dicir que ningún merecese a victoria claramente. O "efecto Kun" non valeu esta vez, aínda que o recén renovado crack estuvo moi activo, xogando un partido moi completo e con un par de ocasións claras de gol.

O DESCENSO, MOI CERCA.....E VEÑEN CURVAS!!!!

Ollo porque este empate, unidos as victorias do Camariñas e o Zas, pon a liga por baixo o rojo vivo. Entre o 5º clasificado (Corcubión) e o penúltimo (Zas), hai solo cinco puntos de diferencia. Nós, un equipo que fai cinco xornadas loitaba por non perder o tren do título, estamos solo a ¡1 derrota! do penúltimo posto,....e atención o que queda:

Recibir o complicado Camariñas e visitar o Corcubión -dous rivais directos-, visitar o todopoderoso Berganchester City e recibir o S.Romanchester United -que loita ainda por coller os Ponys-

Esperemos que a última xornada co Canceslautern non sexa unha festa de despedida dos dous......gluub!.

O "ITURRALDE" DA COSTA

O deste trencilla definitivamente non ten arreglo. Protagonista lamentable de todo canto partido no que se presenta. Intentou por todos os medios escarallar un partido que foi mais que tranquilo, con tanta deportividade que mesmo Cescollazo, no tramo final do partido e con necesidade imperiosa de marcar, sacou adrede fora unha falta perigosa porque un defensa do Baio a colleu ca man de forma equivocada -pensou que saira fora de banda previamente- CHAPEAU COLLA!!...eso si que é un xogada VETERANA.

CASO KUN. PUNTO E FINAL

KUN RENOVADO !!!
Neaño. Hotel Palace M.Blanco. 19:00 horas

O presidente acaba de finiquitar o caso Kun. A dura negociación acabou con un acordo VITALICIO de renovación do crack, que de seguido colleu o RONCADOIRO EXPRESS con dirección a Baio, onde mañan será da partida.

O representante do xogador Ginés Canjallao, o presidente Jenarabramovich e o propio Kun estamparon a súa firma fai escasos momentos no hotel Palace M. Blanco, onde levaban recluidos uns días.

O xogador acada así o seu desexo de retirarse nas Redondas, gracias o empeño do presidente, que finalmente gratificará o xogador coa dichosa hormijonera de jasoi que pedía. Eso sí, o xogador cede nas súas pretensións e acepta un modelo usado acompañado duns panós, trescentos quilos de malla e 6 carretillas modelo "cemento racing sport" . Non temos declaracións do astro, xa que se marchou moi rapido hacia Bronllo Station pra non perder ese tren que o leva o decisivo partido de mañan.

ESFÚMASE O VELLO SOÑO DA FABADA MECÁNICA

Acaba así un vello soño de Marco Van Basten de ver o artillero cabanés vestido de branco.

Esta é a historia dunha frustrada fichaxe e os seus personaxes:

Dende que no ano 2007 recibimos esta foto na festa das Fabas, onde Marco Van Basten fixera un acercamento o xogador, non pararon os rumores da fuga do Kun. O ano pasado o crack da Fabada Edson Arantes do Nascimento, Pelé, provocou esta foto, farto de non ter a quen mardarlle os seus medidos pases. A gota que colmou o vaso foi a foto do outro día no vestiario, provocada por un complot Van Basten-Ramiro, que desencadenou o terremoto Kun, que finalmente acaba coa renovación do xogador e o adiós definitivo a calquer posibilidade dun novo "caso Figo do Anllóns".

ROTURA DE RELACIÓNS INSTITUCIONAIS

O presidente a súa salida da reunión mostrouse satisfeito polo acordo pero moi cabreado coa directiva da Fabada.

"Estaba claro que esta era a xogada que iba pagar o caso Juninho Penambucano. Hai que dicir que este home estaba libre, nós non pagamos cláusulas de xogadores da Fabada.....ata o momento, claro"

"Rompémos relacións institucionales ata novo aviso con esa xente. Non penso cruzar o río nin pa sellar as quinielas"

"O Kun sempre quixo estar aquí, o que pasa é que lle meteron bobadas na cabeza"

"O Kun mañán é un mais, espero que o efecto Kun nos axude a salvarnos, senón van rodar cabeciñas"

"Non pensamos no descenso. Temos un equipazo e imos a pola Copa. Xa hai previstos uns retoquiños para ir a pola liga do ano que ven".

...ay no me faltocarme....!!!

O CASO KUN

O KUN PIDE PERDÓN.....
Hoxe o Kun compareciu en rolda de prensa en compañia do seu representante Ginés Canjallao pra pedir perdón polo caso da foto coa camisola da Fabada Mecánica. Aínda así aproveitou a ocasión pra presionar o presidente de cara a súa renovación. O Kun queda libre o 30 de junio e está a apurar as súas opcións de cara a obter un contrato record.

"Esa foto foi un engaño de Ramiro, dixome que eran pro carné. No obstante sei que non era o momento oportuno e pido perdón"

"A miña prioridá é renovar, pero non a calquer precio. Son o pichichi e debo ser valorado"

"Non vou dicir nada da Fabada Mecánica.....deixa tar o conto así"

"E o meu último gran contrato e teño que pensar no futuro das trillizas"

....E O FLUMINENSE VEN A POR ÉL !!!!

A bomba informativa saltou pola tarde, cando nos chegou esta grabación de Radio Intercontinental de Sao Paulo, onde se aseguraba, según a información do corresponsal en España, Gilberto Capelotas, que o Kun ten unha oferta do Fluminense pra recalar no futebol brasileiro, aconsellado polo seu compañeiro Carioca, que como sabedes chegou a esta liga procedente do equipo de Laranjeiras. Emisarios do equipo brasileiro atópanse no hotel Monte-Blanco a espera dos acontecementos. Xa temos alí un reporteiro atento pra informar.

O caso Kun enrédase.......onde acabará o conto?...

ULTIMA HORA

O KUN APARTADO !!

Estala o caso Kun. A aparición dunha comprometedora fotografía na web da Fabada Mecánica desata os acontecementos. Ruptura total das negociacións de renovación do dianteiro. A directiva que preside Jenarabramovich reuníuse esta mañán de urgencia e fixo público este rotundo comunicado:

COMUNICADO OFICIAL

A directiva do Cabaninter informa:

"O xogador Kun Emilio queda apartado da plantilla de forma indefinida. As negociacións que se levaban a cabo para a súa renovación quedan aparcadas. O clube considera inapropiada esa foto coa zamarra doutro equipo, sobre todo tendo en conta o delicado momento que vive a institución, e co agravante de que se lle ve o cúiño un pouquiño de lado.

O clube que esté interesado na fichaxe do xogador deberá depositar no río do Regenco a cláusula do xogador, que ascende a dous tratores de leña ben picadiña, catro ferrados de fabas do riñón e dúas cisternas de xurro.

Se o equipo interesado fose -como así parece ser- a Fabada Mecánica, deberá tamén añadir, tal e como figura na cláusula 17ª/3000 apdo 156 do contrato do Kun, 25 pases tipo "caño libre" pras vindeiras dúas Festas das Fabas.

En Neaño, 21 de xaneiro de 2009.

O presidente, a salida das oficinas do clube solo declarou: "Ha lle de vila vista"

Postos en contacto co xogador, non quixo facer declaracións, e remitíunos a rolda de prensa que terá lugar esta misma tarde-noite nas oficinas do clube, na compañía do seu representante Ginés Canjallao. Alí estaremos pra informar puntualmente do caso.

CABANINTER, A 5 PUNTOS DO DESCENSO

Convulsión nas Redondas. A derrota no clásico (1-3) fai que a situación toque fondo. Os xogadores tuveron serias dificultades pra salir do campo o domingo. Forzas antidisturbios tuveron que custodiar a "reunión de urgencia" que mantuveron os membros do Cabaninter no mesmo cesped das redondas, baixo a atenta supervisión do presidente Jenarabramovich, mentras a afición pedía a cabeza dos xogadores con pancartas e berros de "xogadores, mercenarios".

O CAN FLACO, TODO SON PULGAS


O certo é que o equipo dou a cara, hai que felicitar os homes que xogaron, pois loitaron ata o minuto 90 en busca de maquillar o 0-3 co que se adiantaron os homes de Marco Van Basten.

NUNCA O TIVERON TAN FÁCIL...NIN O TERÁN

A Fabada Mecánica presentouse no herbal de mentira das redondas con toda a súa artillería, e mesmo recuperou a MiliQuito, ata ese día desaparecido en combate. Notábase a trascendencia do partido para eles, que en caso de perder decían adiós a toda posibilidade de título.

Ás baixas de Beckam do Buzaco, Zizou, Lilowen, Toninho Cerezo, Perfectouré Yayá, Caldereyes e Carioca, pronto se sumaron as de Mendeztzelder e Albertotti. O central ten un escordamento do dedo anular despois dunha desarfotunada caída e o centrocampista, que volvía dunha lesión muscular, ten un esguince de rodilla despois de xirar a perna co pe apoiado. Qué mala pata! Ánimo os dous pra volver prontiño.

Aínda así, tras o dominio absoluto dos visitantes na primeira metade, o equipo reaccionou con orgullo e na segunda, tras o gol do KUN -xa é pichichi do equipo- a torcida volveu a soñar co Arreón Final......pero non puido ser, demasiado frejao pra tan pouca artillería..

O CLON DE BURRUL....LAMENTABLE PRA TODOS

Hai que dicir tamén que o clon de Burrull non pitou dous clamorosos penaltis a favor dos visitantes no tramo final do partido. Nun deles, o Kaká faltoulle abrazar a pelota co arbitro a metro e medio, e no outro, cometido por Ibrahiminovic, ata nos escarallamos todos de risa mirando a ver se o pitaba. ¿Qué houbese pasado si chegamos a empatar?...despois pasa o que pasa. Lamentable trencilla que non coñece o reglamento e pita a según vai oindo berrar. Segue pitando aquelo do ano da pera de "deixa,deixa" e non considera tarxeta as patadas por detrás -houbo 3 ben clariñas-. Eso si, está ben pendiente dos de fóra en vez de atender o xogo.

DESTACAR A ABSOLUTA DEPORTIVIDADE ENTRE AMBOS EQUIPOS

Ahora a recuperar o ánimo, calmar esa torcida, e o domingo, a Baio, a loitar por alonxar os fantasmas do descenso.

OFRENDA OS SANTOS PICHICHIS EN VISPERAS DO CLÁSICO


Nestes momentos de crisis deportiva, recurrimos a "axuda divina" e, como último recurso antes do clásico, hoxe o equipo fixo unha ofrenda os nosos protectores: San Fantastikun da Urixeira e San Ibrahiminovic Pelotero das Redondas. A eles nos encomendamos en busca da victoria no Clásico.

A ceremonia correu a cargo do Reverendo Jenarouco Varela, que implorou o Santísimo Kun pra que repita o doblete do Pinguel.

Luisemburgo: "Foi un emotivo momento. Eles serán os salvadores do clásico en ausencia do Carioca. Pola falla do Beckam, tranquilos, non hai mellor defensa que un bo ataque"

Amén.

DOUS MENOS...

O Comité fixo público hoxe o "parte de jerra".

O Beckam do Buzaco, con acumulación de amonestacións e o Carioca, pola expulsión de Paiosaco, quedan fora de concurso pro clásico. A petición de amnistía polo "Caso Porta Santa" non prosperou e o Comité aplica as respectivas sancións, polo que os dous xogadores verán o partido dende a grada. "E unha decepçao mais non hai que façer. No outro lado do río xa se frotan as mans, mais co FantastiKUN e Ibrahiminovic os goles están asegurados" -declarou hoxe o astro brasileiro-

...E UN MAIS: LUISEMBURGO RETOMA O MANDO

Despois do seu periplo por terras francesas, o mister está de volta. Van rodar cabezas. Onte puxerono o día do que acontecera na sua ausencia (1 punto de 9 posibles, e 15 goles en contra en 3 partidos), e todo apunta a que o domingo vai sacar o látigo. "A Fabada Mecánica vai pagar os platos rotos. É un bo momento pra reaccionar"

A 72 HORAS, PELIGRA O CLÁSICO

O CABANINTER ENSAYA UNHA SORPRENDENTE "DEFENSA TOTAL"

Lío a vista. A falta de solo 72 horas pro clásico, o diario sensacionalista CANASTEBILD, acaba de publicar esta foto na que se pode ver a parte dos integrantes do Cabaninter, liderados polo Kun e baixo a supervisión de Luisemburgo, tabicando a área local das redondas, no que se supón é o último intento desesperado do mister local pra conseguir que nin o Jato nin Alekhan reciban un solo gol mais.

O COMITÉ INSPECCIONOU AS REDONDAS HOXE A MAÑÁN

"Estamos un pouco estupefatos, non hai precedentes na historia do futebol moderno"

O Comité, a través do seu mandamais Modesblatter inspeccionou esta misma mañán as instalacións das Redondas e investiga por se puidera supoñer para o Cabaninter algún tipo de sanción, aínda que o presidente do comité xa adiantou: "En principio non hai nada no regulamento que impida tabicar o campo, non atopamos a regla que impida tal cousa" "O problema ahora aínda estaría en resolver quen corre cos gastos de demolición" "A estas horas é moi difícil asegurar que o clásico se vaia poder xogar o domingo"

O Cabaninter avisa: "Se nos sancionan recurrimos o TAS (tribunal arredemo sandios)"

DESDE A FABADA MECÁNICA MANTEÑEN A CALMA

En declaracións a RTV (radio televión Vilariño), o defensa da Fabada Tarzán Migueli falou con prudencia:

"É algo sorprendente, sabíamos que iban defenderse despois da quenta do outro día, pero nunca pensamos que chejasen tan lonxe"

"Por si acaso xa ensayamos os disparos bombeados, ahí o Jato tamén ten problemas"

"Nos presentámonos e en principio non levamos piquetas"

BOCHORNO EN PORTA ¿SANTA?

¡¡ 11-1 !!, RÉCORD -NEGATIVO- DA LIGA......E TRESCENTAS MIL MENOS..

Domingo que recordaremos para sempre, por desgracia.

Xogamos durmindo e xa temos un récord: a derrota mais escandalosa do ano, e unha das mais escandalosas da historia desta liga. Por un momento parecía que xogábamos contra Señor, Maceda, Rincón e compañia aquel 21 de decembro do 83.

Se seguimos así pronto seremos tamén os número 1 en goles recibidos, xa que solo estamos a 7 goliños dos 48 que leva encaixados o Canceslautern.

Un coladero
Non hai explicación posible o que aconteceu onte deportivamente falando. Cando entramos en calor xa tiñamos 4 o lombo. No descanso 6-0, e cando se atisbaba unha pequena intención de reacción -co 6-1 do Kun ata eles dicían aquelo de "qué non nos pase coma alóoo!- caeunos o 7º noutro contragolpe....e adíos. De ahí o final un desquiciamento general, algunha que outra ocasión clara, e un carrusel de contragolpes que ata puideron significar mais goles. O caso é que non hai disculpa nas baixas, xa que eramos 13 contra 11 dos locais, o que agrava aínda mais o análisis.

En fin pasar páxina canto antes, mirar ben cada un o seu ombligo, e a recuperar ánimos po Clásico do domingo nas Redondas. A ver quen lle explica o mister cando volva da súa estancia con Sarkosy o que pasou estas xornadas.
O que está claro é que esto é unha boa cura de humildad que nos volve a demostrar que no futebol si non corres e non tes un mínimo de concentración, non hai equipazos nin fichajes que valgan. Hai que correr sempre un pouquiño mais que os outros, animarse e xogar tranquilos. Sobre todo en veteranos donde todo se iguala mais.Aquí vale mais un berro de ánimo a un compañeiro que unha rabona ou un taconazo.

COIDADO COAS CARTEIRAS!!!


Pero como a jato escajallado todo son pulgas, o peor aínda estaba por vir de volta os vestuarios. Non nos deixaron nin pa tomar os viños. Non se nos facilitou a chave dos vestuarios -parece ser que non había- e algún fenómeno aproveitou para entrar e vaciar as carteiras de todo quisqui. Unhas 300.000 das antiguas pesetiñas que se levou o/os fill.......de la gra.....p....

Eso sí, fixérono con tempo e seguramente vixiancia, porque ocupáronse de miralas ben todas e separar o que interesaba do que non. Por certo, o caco fuma porque levou tamén un par de paquetes de tabaco.

C.S.I. PAIOSACO

Todo o que puidemos conseguir foi a presencia dun "espectacular" despliegue formado por 1 guardia civil, 1 boli BIC e 1 libreta cuadriculada, en fin, que Perry Maison estaba liado e o único que fixemos foi perder unha horiña mais alí. Mentras tanto o inspector Horatio Cain Mino fixo as labores de inspección do lugar do crime, como podemos ver na instantánea do lado. Algo é algo pero non atopou mais ca un calzoncillo que lanzaron alí enriba aljún que xojou cando se inaugurou o campo.

Polo que poidemos saber hoxe, non é a primeira vez que pasa nese campo, cousa que onte non nos dixeron así. Dicir tamén que a colaboración por parte do personal que abre o campo (creo que é do Concello) foi NULA. Ata quedou en segundo plano o feito de que se abrise o campo as 11:05, hora para a que estaba previsto o comenzo do partido.

Resumindo: QUE POIDEMOS QUEDAR NA CASA, QUE NON PASABA NADA, ARREGLÁBASE A COUSA CON UN 3-0 E 100 EURIÑOS DE MULTA....INDA AFORRÁBAMOS DE CARALLO!!

UN AGRADECEMENTO:

A Carracedo, do Bértoa, que en todo momento se mostrou solidario con nós e que mesmo hoxe, luns, chamou o noso delegado Allo para interesarse. Gracias Carracedo, polo menos que nos quede a solidariedade entre equipos. Chapeau!!



PETICIÓN DE FUTURO

Hoxe pedimos formalmente o comité a través dunha carta, que, aparte da puntualidade e da aujiña quente, que está moi ben, no futuro se exija os equipos ter os vestuarios provistos de cerradura con chave ou do contrario que se encarguen de vigilar o que pase nos recintos. Xa solo nos quedaba levantarnos o domingo pensando onde esconder a carteira.

NACE O "TROFEO SACHO DE JALLAS"

Supoñemos que este ano os Ponys renovarán o seu preciado título Fair Play, de feito xa hay quen fala de chamarlle "Premio Ponys Indomables os valores deportivos do Futebol Veterano y otras hierbas que la vaca no come", o que, resumido, pasaría a ser según a versión deste blog, o novo "TROFEO SACHO DE JALLAS". A empresa "Sachos y Rancaños del Noroeste SA, xa está a traballar no diseño do trofeo.

O DERBI NO EXILIO PASARÁ A SER TRADICIÓN ?

Esto ben a cuento do acontecido no pasado derbi, onde os nosos veciños nos fixeron desplazarnos a Baio para xogar o derbi, mentras en Cabana había dous campos vacíos (un deles dos melloriños da Costa, por certo)

Ahora os Ponys ¡PIDEN XOGAR NAS REDONDAS ESTE DOMINGO CONTRA O SAN ROMÁN!....o que confirma claramente a teoría de Paquinho Maravilla, de que vir as Redondas no derbi era un risco altísimo pola xa sabida presión do Arreón Final das Redondas.

En fin, esto é o que hai, e de feito xa se fala de xogar o derbi do vindeiro ano en Zorrilla ou no Helmántico, xa que Anfield Road queda descartado porque vai ser derribado. O caso é viaxar.

OPERACIÓN "SOBORNO DO TERMO"

O caso é que xa se fala por Neaño da posta en marcha da operación "Soborno do Termo", na que un cabecilla de Frente Urixeira, armado con chave stilton, fías e soplete, estaría a organizar un plan para provocar que os Ponys tiveran que ducharse en aujiña ben fría ahora que está o tempo ben fresquiño. O certo é que onte puidemos sacar esta instantánea, que demostra claramente que aljunha que outra manipulación na fontanería sí puido haber, feito que xa investija a brigada especial "Anti-fontaneríachapucera" da policía local.

Polo demais, a directiva local xa ten dispostas as escobas nos vestiarios pra que fagan bo uso delas o acabar. Que haxa sorte siquera.

ESPECTACULAR EXCLUSIVA!!

ANO NOVO......NOVO ESCÁNDALO!!

Este medio non descansa, e imos ser os primeiros en reventar a liga tamén neste 2009 con un escándalo de dimensións desproporcionadas.

Na primeira noite do ano poidemos facernos con estas instantáneas gracias a colaboración dun topo infiltrado no prestigioso diario Cambre News.

Noitevella de desenfreno

As fotos foron tomadas pola reporteira de juardia Cristin Oportuna nunha festa celebrada na pasada noitevella, na que os protagonistas xa non disimulan nadiña a súa tórrida relación.

O CASO TEN RELACIÓN CO ESCÁNDALO DOS ARMARIOS DESTAPADO POLA MARAJOTA

Fontes ben informadas falan dunha relación deste caso co escándalo destapado polo blog da Marajota Mecánica, a propósito dos escarceos de Amilio de Mairena e que posteriormente corroborou este blog coa publicación das fotos de Tonona Blue Faneca.

Non tiñamos janas de traballar tan pronto, xa que a liga non volve ata o día 11, pero tendes que entender que non podíamos pasar por alto semejante exclusiva..........deixame poñerme o abrijo...marcho que teño que marchare....